El tamén laia.
El, sen acubillo, permanentemente encadeado, «adestrado» con violencia. É culpábel dalgún dano?
Eles, que tan inocentes queren, merecen o maltrato?
Foi aos meus 13 anos, cando cursaba Investigación e Tratamento da Información en 1º da ESO, cando decidín facer un dos meus traballos, neste caso unha pequena reportaxe (que me gustaría recuperar) sobre a situación de pobreza na miña comarca, O Barbanza.
Moi emocionada con esta encomenda levei a cabo unha investigación bastante meticulosa en datos e realicei unha pequena entrevista e reportaxe fotográfica aos habitantes da zona de chabolas d’A Conlleira, Riveira, zona onde centrei o meu traballo, tentando denunciar as condicións nas que están e facendo fincapé sobre todo na grande cantidade de nenas e nenos que alí viven.
Hoxe, comparto convosco esas imaxes, que aínda perdendo valor ao non poder compartir o texto que as acompañaba, quería que quedasen ben presentes neste blogue e nas meniñas de quen as visualice.
Isto está ocorrendo moi preto de nós! Nas nosas propias vilas! Lonxe do que ás veces pensamos, non é necesario viaxar a lugares que consideramos en principio en peores condicións sociais para velo.
Un saúdo a todas.
Infancias na pobreza
O parque
Salgada auga que prófuga fuxes do meu mar interno… 
Tenra gota de espírito que ceibe me percorres a pel… 
Doce luz que me meces e elevas na penumbra… 
Mesta cúpula d’aurora que de néboa tingues a miña sombra… 
Deixemos de existir.
Andy da Fonte 